Фонд Varta паўстаў як адказ на патрэбу падтрымліваць беларускую культуру, літаратуру і свабоду слова. Мы працуем дзеля захавання культурнай спадчыны і развіцця міжкультурнага дыялогу. Даведайцеся пра нашу гісторыю, місію і каштоўнасці, якімі мы кіруемся ў кожнай нашай ініцыятыве.

Фонд Varta паўстаў з патрэбы падтрымліваць беларускую культуру, літаратуру, свабоду слова, а таксама людзей, чыя творчасць і грамадзянская дзейнасць апынуліся пад пагрозай цэнзуры, рэпрэсій або выключэння з грамадскага жыцця. Стварэнне Фонду стала адказам на сітуацыю, у якой многія беларускія творцы, пісьменнікі, журналісты, даследчыкі і дзеячы культуры маюць патрэбу ў бяспечнай прасторы для працы, публікацый, супрацоўніцтва і прысутнасці ў публічным жыцці.

Фонд Varta быў заснаваны ў Варшаве ў 2026 годзе. Яго місія – абараняць і папулярызаваць беларускую культурную спадчыну, падтрымліваць выдавецкую, перакладчыцкую і адукацыйную дзейнасць, развіваць міжкультурны дыялог і будаваць салідарнасць паміж беларускімі, польскімі і міжнароднымі супольнасцямі. Мы дзейнічаем дзеля таго, каб беларуская культура, мова і вольная думка мелі сваё месца, свой голас і сваю будучыню.

Найважнейшыя каштоўнасці Фонду Varta – свабода слова, свабода творчасці, павага да правоў чалавека, салідарнасць, роўнасць, недыскрымінацыя і адказнасць за захаванне культурнай спадчыны. У штодзённай працы мы кіруемся перакананнем, што культура, літаратура, мова і гістарычная памяць з’яўляюцца важнай часткай свабоды чалавека і грамадзянскай супольнасці.

Мы дзейнічаем з павагай да разнастайнасці, міжкультурнага дыялогу і супрацоўніцтва паміж беларускімі, польскімі і міжнароднымі супольнасцямі. Асабліва важныя для нас салідарнасць з людзьмі, якія зазнаюць рэпрэсіі, пераслед або выключэнне, а таксама падтрымка тых, чые правы былі парушаныя праз творчую, грамадзянскую або грамадскую дзейнасць.

Нашая дзейнасць грунтуецца на празрыстасці, адказнасці, партнёрстве і падыходзе, заснаваным на правах чалавека. Мы хочам ствараць бяспечную, адкрытую і прафесійную прастору для беларускай культуры, вольнай думкі, адукацыі, публікацый, супрацоўніцтва і міжнароднай салідарнасці.

Фонд Varta ставіць сваёй мэтай павышэнне пазнавальнасці беларускай культуры ў Польшчы і за яе межамі. Праз нашу дзейнасць мы імкнёмся будаваць давер да нашай місіі і запрашаць да супрацоўніцтва. Мы публікуем навіны, інфармацыю пра праекты, падзеі і выдавецкія ініцыятывы, каб расказваць пра нашу працу, удзел і ўплыў.

Мы адкрытыя да партнёрства і супрацоўніцтва з інстытуцыямі, донарамі, творцамі і ўсімі, каму блізкая нашая дзейнасць. Разам мы можам стварыць мацнейшы падмурак для вольнай думкі і беларускай культуры.